قمر وسما

 ليلة هادية صاحية عرقانة بسبب قفل بابا للمكيف احساس غريب بالغثيان 

وصوت بيرن في الشقة لمحمد منير شعور بدفا جميل زي حضن أم لرضيعها

ورجوع ماما من الفرح وترتيبها للبيت 

وبابا بعد ترويق ماما للبلكونه واقف بالشورت واحساس بالحرية 

ويخرج بابا بعدين ادخل بشعري المنكوش بس ارجع اخد طرحة عشان بابا 

ويبدأ منير في الغنا تاني 

"صوتك وسط القلوب انا بعرفو صوتك مليون كمنجة بيعزفو صوتك أرق من النايات صوتك غنا مالي السكات "

والهوا بيرفرف الطرحة ونور القمر بيحاول يوصل للشارع والعربيات بصوتها المزعجة في كل مكان 

وسحاب في سما زرقة بيمشي بعيد والكلاب حبكت تهاوهاو في الجو الرايق ده 

حاسة بالحرية هي صغيرة أه بس حلوة 

حاسة بإستقرار بقيت عارفة انا مؤمنة بإيه كويس 

مستقرة روحياً 

حاسة اني لقيت طريقي 

صحبتي بعدت عني بسبب خناقها مع صحبتي التانية 

مش فاهمة هما ليه مش بيكبروا دماغهم 

صحبتي عندها مشكلة وهي انها مش عارفة تحافظ على اعتقادها 

او انها تحافظ على تفكيرها زي ما هو او انها ترفض شهوات عابرة 

قولتلها كده قبل ما تقفل ياريت تكون شافته ليه قلت كده لأنها مفكرة انه عشان لو صاحبت ملحدة هتاخدها للرزيلة 

بس سؤال هي ليه وافقت من الاول طلما هي مش عايزه؟

اه من البشر بيحطوا اللوم على اي حد غير نفسهم 

خدودي بقت ساقعة شكلي هدخل 

هل هعرف اشوف السما كده تاني 

ياريت

مع كامل حبي 

جنى