heaven

انا تعبت ..... جملة قصيرة بس هي دي الي في قلبي انا تعبت تعبت من كله نفسي الدنيا تهدى شوية مفيش أمل جاي بتحرك وخلاص انا مكينة بدون كنترول احساس بفراغ واحساس مقرف  صلحت التليفون الي اتكسرت الشاشة بتاعته الراجل مش عامله كويس بس مش قادرة اتكلم كل الي بيخرج مني  دموع.... مش عارفة اخرج كلمة في آخر الحصة بتاعت اول العضوية انهاردة دموعي اتملت في عيني كده كتير عليل تعبت بتحرك في دايرة مش بتنتهي مفيش فايدة  حاسة اني تعبت  اديك للمستر سؤال كان واقف معايا البنت قالت إنها مش عارفة ازاي وقف مع ناس في الامتحان وانا كان واقف معايا المستر شرح ودموعي نزلت إحساس بالفشل بيقطعني دموعي على خدودي ومش شايفة كل الي حاسة بيه وجع انا تعبت مش عارفة من ايه.... رجعت البيت سلمت على بابا ودموعي ما صدقت اتحركت زي الشلالات بابا هون عليا كتير وقالي متعيطيش  حقيقي يمكن كنت محتاجة حضن في الوقت ده يمكن تعبانة محتاجة حضن! ياريت دموعي تقف  انا تعبت...

 كل يوم يبدأ الليل وتبدأ دموعي معاه انا تعبت ومرهقة اوي انا الي بيحركني الفترة دي بس هو طب بشري عين شمس لو مدخلتش انا ممكن يحصلي حاجه رغم الغلطات وعدم فهمي في الفيزياء والكيمياء والانجليزي انا مستمرة  الاستمرارية = نجاح  يمكن ده الي محركني دلوقتي عندي ذرة أمل انه ممكن اقدر اغير حاجه اقدر اغير قدر حصلي في تالتة اقدر اعمل تغيير وانجح واعيش الي بتخيله لحد انهاردة انا مش واثقة في نفسي اني اقدر اعملها بس الآمال البشرية والإنسانية اني عندي احتمال هو الي محركني دلوقتي بس انا تعبانة فعلا ومش قادرة احل حاجه انا مش قادرة احل بجد اظن طبيعي لأني كنت بسهر بحماس الفترة الي فاتت ده رد فعل طبيعي من جسمي بس مهما حصل انا هكمل  الناجح ناجح في كل مكان الجملة دي حقيقة انا بحس انه مش مهم ادخل طب بشري او اي حاجه المهم مجال استمتع بيه وفيه بايو وكيمياء هو غريب صح بس مش بقول لحد انا بحب الكيمياء من أمتع المواد عندي بس بحب التشريح بردو بحب اوي ربط المواضيع واكتشف حاجات تانية اعرف الفرق بين الأنسجة واعرف اكون تعريف او اسم تعريفي له ، بنت جارتنا كانت جايبة مجموع هندسة في اقاليم بس أهلها مرضيوش ...

 انا وكتابي  وجفن ينام على الجفن  وقولٌ بين اصحابي  بفقدان الآمالي  وسواد تحت عيناي يزيد من سحري الأضعافِ وحب ينبت في صدرٍ جفَّ عن الإنباتِ  يا ليت يلين في الحل  أفلا ينظر للإمتحانِ  سهل بسيط الفهم ولا يبكي الأجفانِ