ورجع القمر

فاكرة اول مرة شربت فيها مشروب طاقة كنت قبلها عاهدة نفسي مش هشربها غير وانا تامة ١٨ 

فكسرت العهد وبدأت حياتي 

خليت صحباتي يصوروني وانا بجرب

يمكن حسيت ساعتها بنشوة مجربتهاش

يمكن ويمكن 

بس الأكيد كنت مبسوطة مكنش عشان حبة غازيات كنت مبسوطة بصحباتي 

باين ان ربنا استجاب دعوتي بسرعة اوي 

بعد ما خلصت مذاكرة قعدنا انا وبابا واختي بنتكلم عن الانجليزي 

وازاي اختي مفكرة بابا مش عارف حاجه وازاي كانت صدمتها 

ومالانهاية من اسئلة اختي في الكلمات 

وفخر بابا بينا 

مخلصين وملقتش غير البلكونة مأوى 

وبعد ما كانت السما سودة زي شعر حبيبي على البحر في ليلة مع منير

رجع القمر 

نورها 

حطيت الطرحة على رأسي تحت القمر بكتب يمكن انا والقمر واحد

يمكن في يوم هرجع  

النهاردة يوم جميل 

مع شمس هلة وطالة من أولى 

وشفايفها النونو

فضلت اتكلم استقرار روحي وديني محستش بيه 

اهي جت اختي بوظت الجو وشغلت نور البلكونة الي بعد عني نور القمر

يمكن القمر حبيبي وانا مش عارفة 

كنت عايزه نوره يملاني

بحبه وبحب الشفايف النونو 

من دكتورة المستقبل 

جنى