احساس

إحساس

   وسط الأيام ودوشتها بيظهرلي ملاك يخففلي أحمالها مبقتش افكر غير في حياتي معاه تحت جناح منه وخيط احمر مربوط على معصمي بس ملقتش الخيط الاحمر الي عايزاه وكان الملاك زي بَكَرَ حمرا ملفوف من كل حتة فرحتله ومخدتش في بالي والملاك فضل مبسوط بخيوطه وبيا وكإنه مالك الدنيا ، لحد في مرة حسيت ليه معنديش خيط ،

ماهو يمكن العيب فيا ، دراعاتي كبيرة متكفيش خيط يمكن ، كل ما احس انه يمكن ألاقي خيط يتربط بلاقيه في الجناح مربوط ايوه ما انا مش عايزه خيط بس عايزه احس ان في خيط عايزني ، جربت ابقى حلوة وشيك بس الخيط بيطير ، أفتكرت قبل الملاك كان في وزة كنت بحبها و فكرتها وزتي وكان في خيط عاجبني يمكن كان الاحمر الي عايزاه غصب عني لامست الخيط للوزة مكنتش اعرف انه هيتربط الخيط فيها ولما اتربط فيها مكرهتهاش فضلت احبها لإنها وزتي بس كنت حاسه انها شايفاني بقطع الخيط منها ؛ كنت حاسة ان الوزة أحسن من الخيط ومتستحقش الخيط فقولتلها زعلت الوزة مني ورفضت تفك الخيط منها مزعلتش .

    الملاك مش غلطان يمكن انا الي مستحقش خيط بس انا عايزه خيط وعايزه ابقى ملاك عايزه جناحات انا بحب الملاك اوي بس وشمعنا انا ، وشمعنا انا الي بحس بكده ازاي ابقى ملاك ويبقالي خيط احمر زي الملاك انا مش عارفة ابقى ملاك 

    يمكن مكتوبلي ابقى تحت الجناح الخيوط مش ليا مش مكتوبلي اطير ولا أبني لي عش جميل وشمعنا الخيوط بتروح للملاك بس . . .

.

.

.

.

.

  مش عايزه خيوط انا عايزه ابقى ملاك